ANUNCIAMOS...

 

FESTIVAL DE POESÍA "COS PÉS NA TERRA"

O venres 11 de abril, demos remate ao 2º trimestre co Festival de Poesía "Cos pés na terra". Escollemos como figuras representativas a Manuel María, poeta da Terra Chá ( Lugo) e a Xaime Trillo, veciño de Dumbría. Durante todo o mes de marzo estivemos lendo e aprendendo sobre estes poetas. 

Participou todo o alumado de Infantil e Primaria, familias e Susana, responsable da biblioteca. 

Presentaron o festival dúas alumnas do Voluntariado de 6º EP ( Ana e Carla)  baixo a coordinación da responsable da biblioteca.

Os primeiros en intervir son os compañeiros máis pequenos, o alumnado de Infantil. Prepararon un poema titulado 

"OS BECHOS PEQUERRECHOS"

As familias tamén teñen un lugar neste festival, por iso temos aquí a Inés e José Andrés, os pais de Saúl e María Teresa,  con cadanseu poema.

Xa temos aquí aos nenos e nenas de 1º e 2º EP. Eles veñen falarnos doutros animaliños, os que voan. Imos escoitar o poema que crearon para compartir con nós, titulado "PAXARIÑOS".

Tamén o profesorado se anima a participar na lectura da poesía. Susana vainos ler un dos poemas máis célebres de Manuel María, titulado "GALIZA".

O alumnado de 3º EP vainos falar a través do seu poema dun tema moi relacionado coa terra. Titularon o seu poema co nome de "TRADICIÓNS". 

O grupo de 4º EP quere homexanear a Manuel María con un dos seus poemas. Titúlase "TODO ME FALA DE TI".

Agora Rocío, a nai de Valentina e Martín, vai compartir con nós un poema de Manuel María. 

O grupo de 5º EP quere compartir con nós un poema titulado 
"O PIÑEIRO DERRUBADO".

Remata o festival 6º EP que están traballando a fondo co tema da reciclaxe. Así que o seu poema non podía levar un título que non fose "COIDAR O PLANETA".

Aquí chegamos ao remate deste festival. Agradecemos moitísimo a colaboración das familias e agardamos que sigades compartindo con nós o amor pola poesía. 

FESTIVAL DE ENTROIDO "COS PÉS NA TERRA"

O venres 28 de febreiro celebramos o festival "COS PÉS NA TERRA". 

Tal como indica a consigna, foi un día de festa e alegría.  Disfrazámonos acorde ao proxecto e desfrutamos xuntos do festival, no que participou todo o alumnado de Infantil e Primaria. 

Presentaron o festival tres alumnas do Voluntariado de 6º EP: Sara, Elisa e Thalia. 

Comeza o festival o alumnado de INFANTIL . Este curso convertéronse en investigadores e investigadoras, e están aprendendo moito sobre eses bichiños que viven por embaixo e por enriba da terra. 

"IMOS BUSCAR INSECTOS"

Continúan 1º 2º EP que presentan "ESPANTALLOS". Parécenos moi acaído, porque se hai algo que está cos pés na terra é precisamente un espantallo. 

Chega a quenda do alumnado de 3º EP . Con eles faremos unha viaxe polo mundo do traballo no campo. A súa proposta titúlase 

"A HORTA DE BALBINA"

Chega o bosque de 4ºEP cantando "COS PÉS NA TERRA"

É a quenda de 5º EP. O título da súa presentación é 

"ENTROIDO TOLO".

E aquí remata 6º EP "RECICLANDO RAPIDIÑO!"

Grazas á colaboración da ANPA "O facho" rematamos o festival gozando dunha sesión de contacontos, coa Asociación Cultural

 "OS DA URXEIRA".

O ENTROIDO NOS MUÍÑOS

 No CEIP "Os Muíños" celebramos o Entroido na semana do 24 ao 28  de febreiro. 

Desfrutámolo moito e pasámolo xenial!

Premedo na imaxe, accederás ás fotos.

Seguimos ao pé da letra os mandatos do Meco.

DÍA INTERNACIONAL DA NON VIOLENCIA E A PAZ

O xoves, 30 de xaneiro celebramos no noso colexio o DÍA INTERNACIOINAL DA NON VIOLENCIA E A PAZ. 

PROPOSTA

Versión en galego da canción de Ana Belén e Victor Manuel inspirada nun poema do poeta americano Nicolás Guillén, titulada "A MURALLA". Colaborou na actividade a mestra de Música e Danza, o Voluntariado, o equipo de Biblioteca e o ENDLG.

Presentaron a actividade Anxo, Elisa e Antonio ( alumnado 6º EP).

Participou na actividade todo o alumnado de Infantil e Primaria.

"A MURALLA"

FESTIVAL DE NADAL "COS PÉS NA TERRRA"

 O venres, 20 de decembro, demos remate ao 1º trimestre co Festival de Nadal "COS PÉS NA TERRA" no que participou todo o alumnado de Infantil e Primaria. Un momento para compartir coas familias e cos compañeiros, o que levamos traballado este trimestre. 

O festival, proposto polo Equipo de Extraescolares en colaboración coa Biblioteca e o ENDLG, está relacionado co Proxecto Documental Integrado ( PDI) "Cos pés na terra".

Presentou o festival, alumnado do Voluntariado de 6º E.P. baixo a coordinación da coordinadora de Extraescolares e a responsable da biblioteca. .

 O noso agradecemento a Nerea, Antonio, Sara e Nahir. 

Empezan os máis pequenos, os nosos compañeiros e compañeiras de Infantil que van interpretar un conto titulado:

 "QUEN SON ESES BECHOS?"

1º e 2º EP van cantar unha cantiga que se titula

 "DO OUTONO PARA O INVERNO"

Chega a quenda do alumnado de 3º EP que van cantar:

"E TI, DE QUEN VES SENDO"?

Xa estamos na metade do festival, agora tócalle a 4º EP. A súa cantiga titúlase:

"COS PÉS NA TERRA"

Aquí están os de 5º EP que van facer unha obra de teatro que se titula:

"A XORDEIRA DA SEÑORA MARÍA"

Remata o festival 6º EP cunha obra e unha canción titulada

"RECICLANDO NO NADAL"

FELICES VACACIÓNS!

BO NADAL E VINTUREIRO 2025

25N - DÍA INTERNACIONAL CONTRA A VIOLENCIA DE XÉNERO

Desde o CEIP "Os Muíños" sumámonos nesta loita contra a violencia de xénero a través dunha actividade proposta polo equipo de biblioteca en colaboración coa mestra de Música e Danza, o Voluntariado, o EAE e o ENDLG.

PROPOSTA: Versión en galego da canción de Melendi con Alejandro Sanz titulada "DÉIXA QUE ELA BAILE". Trata o tema da desigualdade coas mulleres, especialmente no ámbito laboral. 

Alumnado do Voluntariado de 6º EP colaborou na decoración.

Presentaron a actividade Thalia, Estela e Anxo ( alumnado de 6º EP).