O martes 30 de xaneiro celebramos no noso colexio o DÍA INTERNACIONAL DA NON VIOLENCIA E A PAZ.
Para conmemoralo todo o alumnado interpretou unha versión propia da canción "Varre vasoira" do dúo musical galego "Fillas de Casandra".
Aproveitamos a data para lembrar aos que están sufrindo por causa da guerra en moitas partes do mundo e reflexionamos sobre as nosas pequenas guerras, o control das nosas emocións, a resolución de conflitos dentro da escola.
Buscamos "varrer" a violencia da nosa escola, da nosa casa, da nosa vida,... Buscamos unha vasoira que elimine o lixo que producen as guerras grandes e as guerras pequenas.
Participou na celebración todo o alumnado do centro. Nayara e Pedro (alumnado do Voluntariado) presentaron a actividade.
