FIN DE CURSO 2021/22

O mércores 22 de xuño, celebramos o peche de curso no patio do colexio. Alumnado e mestres desfrutaron das actividades programadas nesta festa remate de curso 2021/22.

Para ver o programa de actividades, preme AQUÍ.

FESTIVAL DE XOGOS

ENTREGA DE DIPLOMAS E MOCHILAS AO VOLUNTARIADO DE 5º E 6º E.P.

Susana, Aurelia e Fita, compoñentes do equipo de biblioteca, entregaron os diplomas e mochilas ao alumnado participante no Voluntariado da biblioteca.

Para ver máis fotos da actividade, preme na imaxe. 

CIRCO "ESTAMPARTE"

O alumnado de 1º e 2º mostran o seu Circo "Estamparte"( trapecistas, malabaristas, encantadores de serpes, bailaríns, paiasos e domadores) que prepararon na clase de ximnasia coa mestra Olalla.

DANZAS DO MUNDO

O alumnado de 3º a 6º E.P. dá remate a este festival con "Danzas do Mundo" que prepararon na clase de Ed. Física coa mestra Olalla. 

3º E.P. danza "Ena nushi" ( Xapón)

4º E.P. danza "Pingacho" ( Portugal)

5º E.P. danza "Tarantella" ( Italia)

6º E.P. danza "Bourré" ( Francia)

FELICES VACACIÓNS!

BO VERÁN!

ANUNCIAMOS...

O ENTROIDO NOS MUÍÑOS

No C.E.I.P. "Os Muíños" celebramos o entroido na semana do 21 ao 25 de febreiro. 

Desfrútamolo moito e pasámolo xenial!

Seguimos ao pé da letra os mandados do Meco, para mostra aquí tedes este vídeo. 

CONSIGNAS DO MECO

Na semana do 21 ao 25 de febreiro celebraremos no noso colexio o entroido seguindo as ordes do Meco.

De luns a mércores as consignas serán acumulativas. O xoves, disfrace libre e o venres relacionarémolo co PDI "EntroidArte".

Moi atentos as ordes do MECO!

DÍA DA CANDELORIA

O alumnado de 6º de Infantil, celebrou o Día da Candeloria , 2 de febreiro,  elaborando entre todo o alumnado un fermoso mural.

Di o refrán que a partir da Candeloria, ningunha ave voa soa, para lembrar que o mes de febreiro comeza cunha celebración ben especial, xa que casan os paxariños.

Aquí tedes o fermoso traballo que fixeron. 

Premendo na imaxe accederás á actividade.

DÍA ESCOLAR DA NON VIOLENCIA E A PAZ

O luns 31 de xaneiro celebramos no noso colexio o Día Escolar da Non Violencia e a Paz. 

Para conmemoralo, escollemos a canción "Terra" de Tanxugueiras baixo o lema "Non hai fronteiras".

Todo o alumnado, mestres e persoal non docente participou na elaboración dun vídeo tocando distintos instrumentos e bailando a ritmo de muiñeira.

PREPARANDONOS PARA A CELEBRACIÓN DO DÍA DA PAZ

O 30 de xaneiro celébrase desde 1964 o Día Internacional da non Violencia e a Paz. A data é unha homenaxe a Mahatma Gandhi, lider pacifista que defendeu e promoveu a non violencia e a resistencia pacífica. Foi asasinado o 30 de xaneiro de 1.948. 

Dado que este ano coincide en domingo, nós celebrarémolo o luns, 31 de xaneiro. 

Escollemos a canción 

"Terra" de Tanxugueiras

Participa toda a comunidade educativa. Cada grupo fai unha estrofa. 

Aquí tedes o REPARTO.

Aquí tedes a PROPOSTA.

Para ir ensaiando temos unha versión da canción con pictogramas elaborada polo equipo de biblioteca.

No blog do ENLG podedes ver dúas publicacións relacionadas coa conmemoración:

NON HAI FRONTEIRAS

TANXUGUEIRAS