DÍA ESCOLAR DA NON VIOLENCIA E A PAZ

O luns 31 de xaneiro celebramos no noso colexio o Día Escolar da Non Violencia e a Paz. 

Para conmemoralo, escollemos a canción "Terra" de Tanxugueiras baixo o lema "Non hai fronteiras".

Todo o alumnado, mestres e persoal non docente participou na elaboración dun vídeo tocando distintos instrumentos e bailando a ritmo de muiñeira.

PREPARANDONOS PARA A CELEBRACIÓN DO DÍA DA PAZ

O 30 de xaneiro celébrase desde 1964 o Día Internacional da non Violencia e a Paz. A data é unha homenaxe a Mahatma Gandhi, lider pacifista que defendeu e promoveu a non violencia e a resistencia pacífica. Foi asasinado o 30 de xaneiro de 1.948. 

Dado que este ano coincide en domingo, nós celebrarémolo o luns, 31 de xaneiro. 

Escollemos a canción 

"Terra" de Tanxugueiras

Participa toda a comunidade educativa. Cada grupo fai unha estrofa. 

Aquí tedes o REPARTO.

Aquí tedes a PROPOSTA.

Para ir ensaiando temos unha versión da canción con pictogramas elaborada polo equipo de biblioteca.

No blog do ENLG podedes ver dúas publicacións relacionadas coa conmemoración:

NON HAI FRONTEIRAS

TANXUGUEIRAS

NADAL 2021

Na semana do 12 ao 21 de decembro, celebramos no noso colexio o Nadal, adaptando a celebración como xa vén sendo habitual este curso.

Aquí amosamos todo o que fixemos para celebrar este Nadal tan especial.

Premendo na imaxe, accederás ás actividades.

3 DE DECEMBRO: DÍA DA DISCAPACIDADE

Co motivo da celebración do Día da Discapacidade que se conmemora o venres 3 de decembro, a mestra de Educación Física, Olalla, propón un concurso para o alumnado de 1º a 6º E.P. coa idea de concienciarnos e intentar conseguir un mundo sen barreiras e en igualdade. 

Para obter máis información preme na imaxe.

E aquí tedes os gañadores do concurso:

25 N, DÍA INTERNACIONAL CONTRA A VIOLENCIA DE XÉNERO

Desde o CEIP "Os Muíños", sumámonos nesta loita contra a violencia de xénero a través dunha actividade organizada polo equipo de Biblioteca. 

Premendo na imaxe, accederás a actividade.

SAMAÍN - MAGOSTO 2021

Na semana do 27 ao 29 de outubro, no CEIP "Os Muíños", celebramos o Samaín e o Magosto cun programa de actividades variado. 

"MOITO MAXÍN HAI NO SAMAÍN..."

Alumnado e mestres viñeron disfrazados acorde a conmemoración.

Coma sempre, houbo un concurso de cabazas relacionado co PDI "E ti que pintas?" no que participaron as familias, facendo verdadeiras obras de arte.

Concurso de cabazas

"Familias pintoras, cabazas decoran"

Exposición "Familias pintoras, cabazas decoran"

Entrega de premios

A biblioteca, en colaboración cos equipos de Extraescolares e Normalización Lingüística, propuxo unha actividade relacionada co PDI titulada "Pintamos de medo" na que participou todo o alumnado de Infantil e Primaria.

A ANPA, en colaboración coa Biblioteca, organizou un "Contacontos de medo" na voz de Isabel, mestra xubilada que traballou moitos anos no noso centro.

"E CHEGOU MAGOSTO, VEN CON EL A DESFRUTAR, DO SEU SABOR..."

8 DE MARZO. DÍA INTERNACIONAL DA MULLER

 Na semana do 8 ao 12 de marzo, celebramos no noso colexio o Día Internacional da Muller. 

A biblioteca propuxo a actividade "ABRINDO CAMIÑOS" na que colaborou e participou todo o alumnado de Infantil a 6º E.P. así como o Voluntariado que se encargou de presentala. 

Premendo na imaxe accederás a actividade: